أسئلة مستفزة من أدهم وأنا برضه ما سكتش

دي أسئلة اتحدفتلي من مدونة أدهم .. صديقي ال*** المفضل

http://adhamblog.blogspot.com

انت مين؟

أنا..... والله ما أنا عارف

مين أكتر 6 شخصيات بتحبها ؟

إيمان وأسماء و ريم و هند و حمزة و.....ادهم

هل أنت سعيد؟

الحمد لله بدأت أحس تانى إن الدنيا لسه فيها حاجات حلوة كتير

لو اجتمعت مع حسني مبارك هتقوله إيه؟

هقوله ... هقوله .... والنبي يابييييييييه.. خليك معانا شوية...ده انت حتى رمز البلد ومن غيرك ولا نسوى... سيبك من الإصلاحيين ولاد الكلب اللي عاوزين يخربوا البلد ... وأقوله ... يجوزني البت *** اللي أنا بحبها.... بقرار جمهوري...

لو معاك مليون ونص هتعمل بيهم إيه؟

هفترى على الناس... عشان كدة احسنلكم ما يكونش معايا غير 20 جنيه...آه .. نسيت ... هتجوز البت *** اللى انا بحبها....


بتحب مصر؟

مشكلتي انى بحب البلد بنت الكلب دى.... بس للأسف مضطر أضحى ... هبقى ارجع لها تانى... دى حياتي ....دى حتى مصر أهم عندى من البت *** اللي أنا بحبها...

بتحب البنات؟

طبعا ... أمال يعنى هحب الولاد... ده أنا بموت في البنات ... بس من غير شغل اللكلك .... كله من السكة بتاعه ربنا....

انت مسلم؟

الحمد لله على نعمة الإسلام وكفى بها نعمة

ليه؟

عشان أبى و امى كذلك ... وكمان في بحثي لم أجد أروع من هذا الدين...

إيه أكتر موقف محرج اتعرضت ليه ؟

يانهار ابيض.... كتيييييييييييير.... ماتعدش ... ده أنا بدأت احس إن الناس بيتعرفوا عليا عشان يحرجونى.... اخخخخخ .. إيه الإحراج ده

واتصرفت ازاي ؟

عادى يا معلم... ولا الدموع... هاكونا مطاطا...
هو الإحراج هيلزق فيا؟؟؟؟


إيه الأمنية اللي بتدعي ربنا يحققهالك؟

الفردوس الأعلى .... واتجوز البت *** اللي انتوا خلاص عرفتوا انى بحبها....


على هامش الموضوع:
- شكرا جدا لادهم انه بعتلى البوست ده..
- أدهم اتعرض للاحراج لان الست اللى كانت عاوزة تبوسه كانت قرشانة... طب يا ادهم لو كانت مزة كنت عملت ايه؟؟؟؟
- المفروض اني ابعتها لأي حد ...بالتالي ..سأمررها لأصدقائي المدونين على قائمتي الذين اعرف بعضهم فقط...

Waref Blog
حفار القبور http://bayto4.blogspot.com/
إياكش تولع
خبيب http://khobayb.blogspot.com /